2015 جىلعى 19 مامىر,استانا قالاسى
«اكىمشىلىك ۇستاۋعا تارتىلعان ادامداردى ارنايى جابدىقتالعان ءۇي-جايلاردا ۇستاۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 25 ماۋسىمداعى № 325 بۇيرىعىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ مەملەكەتتىك شەكاراسى تۋرالى« قازاقستان رەسپۋبليكاسىنىڭ 2013 جىلعى 16 قاڭتارداعى زاڭى 56-بابىنىڭ 28) تارماقشاسىنا سايكەس بۇيىرامىن:
1. «اكىمشىلىك ۇستاۋعا تارتىلعان ادامداردى ارنايى جابدىقتالعان ءۇي-جايلاردا ۇستاۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2013 جىلعى 25 ماۋسىمداعى №325 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №8582 بولىپ تىركەلگەن, 2013 جىلعى 11 قىركۇيەكتەگى №271 (27545) «كازاحستانسكايا پراۆدا» گازەتىندە جانە 2013 جىلعى 11 قىركۇيەكتەگى №209 (28148) «ەگەمەن قازاقستان» گازەتىندە جاريالانعان) مىناداي وزگەرىستەر ەنگىزىلسىن:
اتالعان بۇيرىقپەن بەكىتىلگەن اكىمشىلىك ۇستاۋعا تارتىلعان ادامداردى ارنايى جابدىقتالعان ءۇي-جايلاردا ۇستاۋ قاعيدالارىندا:
3-تارماق مىناداي رەداكتسيادا جازىلسىن:
«3. شەكارا قىزمەتىنىڭ لاۋازىمدى تۇلعالارى اكىمشىلىك ۇستاۋدى «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ 2014 جىلعى 5 شىلدەدەگى كودەكسى (بۇدان ءارى – كودەكس) 787-بابىنىڭ 4), 5) جانە 12) تارماقشالارىندا كوزدەلگەن جاعدايلاردا, اكىمشىلىك قۇقىق بۇزۋشىلىق جاساۋعا كۇدىكتى ادامنىڭ قۇقىققا قارسى ءىس-ارەكەتىنىڭ جولىن كەسۋ ماقساتىندا قولدانادى.»;
5 جانە 6-تارماقتار مىناداي رەداكتسيادا جازىلسىن:
«5. شەكارا قىزمەتى ۋاكىلەتتى لاۋازىمدى تۇلعاسىنىڭ كودەكستىڭ 788-بابىندا كوزدەلگەن تارتىپتە جاساعان اكىمشىلىك ۇستاۋ حاتتاماسى ادامداردى ارنايى ءۇي-جايلارعا انىقتاۋ ءۇشىن نەگىز بولىپ تابىلادى.
6. اكىمشىلىك ۇستاۋعا تارتىلعان ادامداردى ارنايى جابدىقتالعان ءۇي-جايلاردا ۇستاۋ مەرزىمى جانە ونى ساناۋ ءتارتىبى كودەكستىڭ 789-بابىنا سايكەس بەلگىلەنەدى.»;
8 جانە 9-تارماقتار مىناداي رەداكتسيادا جازىلسىن:
«8. كودەكستىڭ 788-بابىنىڭ 2-تارماعىنا سايكەس اكiمشiلiك قۇقىق بۇزۋشىلىق جاساعانى ءۇشiن ۇستاپ الىنعان ادامنىڭ ءوتiنiشi بويىنشا ءوزىنىڭ قايدا ەكەندىگى تۋرالى تۋىستارى, جۇمىس نەمەسە وقۋ ورنىنىڭ اكiمشiلiگى, سونداي-اق قورعاۋشىسى دەرەۋ حاباردار ەتiلەدi. كامەلەتكە تولماعان ادامنىڭ ۇستاپ الىنۋى تۋرالى ونىڭ اتا-اناسىنىڭ نەمەسە ولاردى الماستىراتىن ادامداردىڭ حاباردار ەتىلۋى مiندەتتi.
9. ۇستالعان ادامدار كودەكستىڭ 44-تاراۋىندا كوزدەلگەن تارتىپتە اكiمشiلiك قۇقىق بۇزۋشىلىق تۋرالى iس جۇرگiزۋدi قامتاماسىز ەتۋ شارالارىنا شاعىم بەرۋى مۇمكىن.».
2. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى وسى بۇيرىقتى زاڭنامادا بەلگiلەنگەن تارتiپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى جانە رەسمي تۇردە جاريالاۋدى قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ن.ابىقاەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11398 بولىپ ەنگىزىلدى.